Nag-viral karon sa Japan,ug nakadani sa atensyon sa mga food lovers ang usa ka talagsaong dessert nga naglangkob sa soft-serve ice cream, nga lab-as nga talaba, nga kon maka kaon ka maka pa wow ka sa kalami.
Ang maong ice cream ginabaligya sa usa ka roadside diner sa Iwate Prefecture, diin gigamit ang preskong talaba gikan sa Yamada Bay isip topping sa milky soft-serve ice cream, dayon gibutangan og espesyal nga toyo aron makompleto ang talagsaong kombinasyon sa lami.
Bisan og daghan kayo ang natingala sa dili kasagarang sagol, daghan usab sa mga nakatilaw ang miingon nga lami ug lahi ang kalami niini. Tungod niini, misaka ang gidaghanon sa mga bisita nga gustong mosulay sa viral nga dessert sa maong nasud.
Sumala sa tindahan, padayon nilang gidalit ang talaba nga ice cream sa tibuok summer season sa Japan, isip usa sa ilang espesyal nga produkto nga nakadani sa interes sa kadaghanan l ug mga local nga turista.
Photo Courtesy: Oddity Central
