Posibleng moubos ang plitehan sa eroplano sa unang bahin sa Hulyo human gipaubos sa Civil Aeronautics Board (CAB) ang fuel surcharge ngadto sa Level 9, gikan sa Level 12 nga gipatuman sa ikaduhang bahin sa Hunyo.
Ubos sa bag-ong rate, ang dugang bayronon sa domestic flights mahimong gikan na lang sa P287 hangtod P839, samtang sa international flights mokabat sa P947.30 hangtod P7,044.27, depende sa gilay-on sa biyahe.
Sumala sa CAB, kini na ang ikaduhang sunod-sunod nga pagpaubos sa fuel surcharge tungod sa pagkunhod sa presyo sa jet fuel sa kalibotan human mihinay ang tensyon sa Middle East.
Ang fuel surcharge girepaso matag 15 ka adlaw base sa kasamtangang presyo sa jet fuel. Ang bag-ong rate magamit gikan Hulyo 1 hangtod 15.
Photo courtesy: wikipedia
