Nanawagan si Pinoy Workers Party-list Rep. Karl Legazpi ngadto sa Philippine National Police (PNP), Department of Education (DepEd), ug Commission on Higher Education (CHED) nga sigurohong adunay kasayuran ang publiko labi na ang mga tinun-an sa mga school safety hotlines ug mga pamaagi sa pagreport sa hulga sa kapintas o sa peligro.
Hangyo kini ni Legazpi ngadto sa mga awtoridad human nga malampusong napugngan ang matud pa hulga sa usa ka menor-de-edad sa pag-atake sa usa ka tunghaan sa Leyte.
Segon ni Cong. Legazpi nga kinahanglan masayran sa publiko labi na sa mga estudyante nga kung unsa ang mga kadudahang lihok, mensahe, o kalihukan kinahanglan nga dali kinig i-report sa mga awtoridad.
Dugang niini nga kinahanglan mahimong klaro nga ang pagreport sa mga makadudahang lihok o paghatag og inpormasyon sa mga awtoridad, dili makonsiderar nga pasangil kundi kabahin sa pagkamabinantayon ug paghatag og proteksyon sa matag usa.
Photo Courtesy: Philippine News Agency
