Bukas si Cebu Gov. Pamela Baricuatro sa pag-usab sa minimum age criminal liability human sa nahitabong bag-o lang nga pagpamusil sa tunghaan sa Siyudad sa Tacloban.
Matod ni Baricuatro, ang insidente nagpakita sa panginahanglan nga tan-awon pag-usab ang kasamtangang balaod.
Gisuportahan niya ang sugyot nga tun-an ang pagpaubos sa edad sa kriminal nga responsibilidad gikan sa 15 anyos ngadto sa 10 hangtod 12 anyos.
Matod niya, ang mga bata sa maong edad makasabut na sa ilang mga binuhatan ug mahimo usab kini nga makapugong sa paggamit sa mga menor de edad sa mga kriminal nga grupo.
Gisuportahan usab niya ang pamahayag ni Sen. JV Ejercito nga giingong gigamit sa mga sindikato ang mga menor de edad tungod kay napanalipdan sila sa kasamtangang balaod.
Matod sa senador, kinahanglan usab nga panubagon ang mga ginikanan nga nagtugot sa ilang mga anak nga maapil sa krimen.
Photo Courtesy: wikipedia
