Misaka na sa 1,430 ang kumpirmadong namatay human sa duha ka kusog nga linog nga miigo sa Venezuela, samtang kapin sa 51,000 ka tawo ang padayon pang gipangita sa mga rescuers. Nagpadayon ang search and rescue operations aron makakita pa og mga buhi sulod sa gitawag nga 72-hour survival window.
Sumala sa mga report, ang duha ka sunod-sunod nga linog nga adunay magnitude 7.2 ug 7.5 mitay-og sa coastal area sa La Guaira niadtong Miyerkules, nga miresulta sa daghang pagkaguba sa mga kabalayan ug imprastraktura.
Samtang nagpadayon ang rescue operations, nagpasalamat si acting President Delcy Rodriguez sa nagkalain-laing nasod nga nagpadala og mga rescue teams aron motabang sa pagpangita sa mga naluwas ug sa paghatag og ayuda sa mga apektadong komunidad.
