Nadakpan sa mga kapulisan ang Top 1 Most Wanted Person sa probinsyal nga lebel atol sa operasyon nga gipahigayon sa San Agustin Municipal Police Station (MPS) niadtong alas 10:30 sa buntag sa Hunyo 28, 2026, sa Purok Langka, Barangay Arorogan, Marihatag, Surigao del Sur.
Ang suspek giila lamang sa alyas “JunJun,” 57-anyos ug residente sa Purok 3, Barangay Sto. Niño, San Agustin, Surigao del Sur.
Nasikop siya pinaagi sa warrant of arrest tungod sa kasong Rape in Relation to Republic Act 7610 o ang Special Protection of Children Against Child Abuse, Exploitation and Discrimination Act.
Base sa rekord, ang warrant gi-isyu niadtong Enero 7, 2025 sa Regional Trial Court, Branch 28 sa Lianga, Surigao del Sur. Wala usab gitugotan ang piyansa alang sa maong kaso.
Human sa pagdakop, gipahibalo sa suspek ang iyang mga katungod ubos sa Miranda Doctrine ug Anti-Torture Act sa wala pa siya gidala sa San Agustin MPS alang sa hustong dokumentasyon ug legal nga proseso.
Photo courtesy: PNP Surigao Del Sur Police Provincial Office
