Gipahigayon niadtong milabay’ng adlaw sa LGU-TAGUM ang Peacekeepers General Assembly sa Cityhomes Gymnasium sa Brgy. Magugpo East sa syudad isip pagpasalamat ug paghatag og pag-ila sa dakong kontribusyon sa mga peacekeepers sa pagmintinar sa kalinaw ug kahapsay sa matag barangay sa syudad.
Atol sa maong asembliya, gipasiugda ni Tagum City mayor Rey Uy ang nagkadaiyang umaabot nga programa ug dagkong proyekto sa lokal nga panggamhanan, lakip ang mga kalamboan nga suportahan pinaagi sa opisina ni Davao del Norte 1st District Representative Congressman De Carlo Oyo Uy.
Sumala pa, ang maong panagtapok kabahin sa padayon nga pagpalig-on sa panaghiusa tali sa mga peacekeepers ug sa gobyerno aron mapadayon ang malinawon ug luwas nga komunidad sa syudad sa Tagum.
Photo Courtesy: City Government of Tagum
