Gilunsad ni Depart of Education (DepEd) Secretary Sonny Angara ang usa ka komprehensibong School Safety Campaign aron mapalig-on pa ang proteksyon sa mga estudyante ug seguridad sa mga eskwelahan sa tibuok nasud.
Tumong sa inisyatiba sa Department of Education (DepEd) nga palig-onon ang koordinasyon tali sa mga eskwelahan, ginikanan, lokal nga panggamhanan, ug ubang sektor sa komunidad aron mapugngan ang bullying ug masiguro ang dali nga pagtabang sa mga estudyante ug kawani.
Ang kampanya gilunsad human sa nahitabong pagpamusil sa San Jose National High School sa Tacloban City niadtong Hunyo 22, diin tulo ka estudyante ang namatay ug kapin sa usa ka dosena ang nasamdan.
Gimando usab ni Angara ang mas hugot nga security protocols sa mga eskwelahan ug gipatawag ang tanang regional directors sa DepEd aron masiguro ang hapsay ug parehas nga pagpatuman sa mga bag-ong lakang sa seguridad sa tibuok nasud.
Photo Courtesy: Philippine News Agency
