Nagpabiling misteryo sa mga eksperto ug netizens ang bantog nga pag-ikyas sa kasaysayan nahitabo niadtong 1962 sa Alcatraz Federal Penitentiary, diin tulo ka mga binilanggo ang nakalingkawas gikan sa usa sa labing hugot nga prisohan sa kalibotan.
Giila ang mga prisoners sila si Frank Morris ug ang managsoon nga John Anglin ug Clarence Anglin. Gigamit nila ang kombinasyon sa sabon, toilet paper ug tinuod nga buhok nga ilang nakuha sa barbershop sa prisohan aron makahimo og mga dummy heads nga susama kaayo sa ilang nawong.
Gibutang nila ang mga dummy heads sa ilang mga higdaanan ug gitabonan og habol aron murag natulog gihapon sila. Tungod niini, wala dayon makamatikod ang mga guwardiya sa night shift nga wala na diay ang tulo ka binilanggo sa ilang mga selda.
Nakahatag ang maong stratehiya og dugang nga oras aron makapalayo sa prisohan sa wala pa madiskubre ang ilang pagpangikyas.
Hangtod karon, nagpabiling usa sa labing bantog ug wala pa masulbad nga mga misteryo sa kasaysayan niadtong 1962 Alcatraz escape, tungod kay wala pa gyud mapamatud-i kung nakalingkawas ba silang tulo o namatay atol sa ilang pag-ikyas.
Photo Courtesy: The Washington Post
