Mahimong mobalik sa Miami Heat si LeBron James kauban ang iyang anak nga si Bronny James kon madayon ang usa ka gisugyot nga three-team blockbuster trade tali sa Los Angeles Lakers ug Utah Jazz. Sa maong sugyot, mobalhin ang mag-amahang James sa Miami, samtang makuha sa Lakers sila si Andrew Wiggins ug Walker Kessler aron mapalig-on ang ilang team nga gipangulohan karon ni Luka Dončić. Ang Utah Jazz usab makadawat og daghang magduduwa sama nila ni Deandre Ayton, Jarred Vanderbilt, Dalton Knecht, ug duha ka mga first-round picks sa umaabot.
Kon hingpit nga madayon ang maong kasabutan, mamahimo kining usa ka emosyonal nga reunion alang kang LeBron James sa Heat, diin nakakuha siya og duha ka NBA championships niadtong 2012 ug 2013. Ang maong lakang magdala kaniya sa pagpakig-uban sa mga bag-ong pirma sa Miami nga sila si Giannis Antetokounmpo ug Bam Adebayo, samtang nagtinguha ang maong prangkisa nga mobalik pag-usab sa championship contention.
Bisan pa man niini nga mga mabulukong plano, ang maong trade nagpabilin pa nga usa ka sugyot o proposal sa kasamtangan. Wala pa’y gipagawas nga opisyal nga pahibalo o kumpirmasyon ang tulo ka mga teams mahitungod sa maong dako nga kauswagan sa liga
Photo Courtesy: Harry How / Getty Images NBC
