Nakadani karon og dako nga pagtagad sa social media ang usa ka lokal nga television series sa Indonesia nga giulohang “Tiger Man.”
Nahimo kining viral human mikaylap sa nagkalain-laing platforms ang mga video clip sa transformation scenes niini, diin ang maong serye nagsaysay sa istorya sa usa ka high school student nga adunay abilidad sa pagbag-o ngadto sa usa ka tigre samtang gipangita ang kamatuoran sa iyang gigikanan.
Tungod sa talagsaong konsepto niini, ginatandi sa mga netizens ang dagan sa istorya sa mga sikat nga foreign shows sama sa Twilight ug Teen Wolf. Apan, imbes nga ang istorya, ang kalidad sa visual effects (CGI) sa serye ang nahimong sentro sa diskusyon, hinungdan nga nahimo kining hilisgutan sa daghang mga memes ug kataw-anang komento online gikan sa mga tawo nga nalingaw sa presentasyon niini.
Bisan pa man sa nagkalain-laing reaksyon ug pagsaway sa kalidad sa visual effects, ang pagkaviral sa mga clip nakatabang hinuon aron makakuha og mas dako nga internasyonal nga atensyon ang maong Indonesian series.
Sa kasamtangan, padayon gihapon kining gipaambit ug gihisgutan sa mga netizens online
Photo Courtesy: Reddit/ No_Dig_8299
