Makaluluoy nga kamatayon ang gidangatan sa usa ka 17-anyos nga nailang si alyas “Din2x” human kini gitigbas ug gidudahang gilugos pa didto sa Sitio Nataring, Barangay Dagundalahon, Talakag, Bukidnon, kagahapon adlawa Hunyo 28, 2026.
Sumala sa report sa Talakag PNP, nabilin kadiyot ang biktima sa suba samtang nanglaba. Apan pagbalik sa iyang live-in partner nga si alyas “Bob” paglabay sa 30 minutos, dako na lang ang iyang kakurat sa iyang naabtan.
Naatlan ni Bob ang suspek nga si alyas “Roy” nga gialsa ang biktima ug plano na unta kining ilabay sa suba aron itago ang krimen. Dihang nakabantay ang suspek, dali kini nga misibat padulong sa wala masutang direksyon.
Gidala pa sa Hospital ang biktima apan nakabsan gyud kini sa kinabuhi tungod sa grabeng samad-tinigbasan sa lawas.
Sa karon, nagpadayon ang hot pursuit operation sa kapulisan batok sa miikyas nga suspetsado.
Photo Courtesy: Mayor Renz Sulatan Jr.
