Posibleng mobarato na usab ang presyo sa mga produktong petrolyo sa sunod semana, sugod sa Hunyo 30.
Gilauman nga mokunhod ang presyo sa krudo og 70 sentimos hangtod P1.20 matag litro, samtang ang gasolina posibleng moubos og 50 sentimos hangtod P1.50 matag litro.
Matud sa report nga ang pagkunhod sa presyo gikan sab sa pag-ubos sa presyo sa krudo sa kalibotan tungod sa nagkaluag nga suplay sa lana.
Bisan pa sa nagpadayon nga negosasyon tali sa Estados Unidos ug Iran, nag-uswag ang suplay sa lana human anam-anam nga mibalik sa normal ang pag-agi sa mga barko pinaagi sa Strait of Hormuz ug misaka usab ang produksiyon sa mga nasud sa Gulf.
Dugang pa, nakaapekto usab sa pagkunhod sa presyo ang pagtugot sa pagpasulod pag-usab sa Iranian crude oil ug uban pa nga produktong petrolyo ngadto sa merkado.
Photo courtesy: AutoDeal
