Gipahugtan sa Iligan City Police Office ang pagpahigayon og police visibility ug security assistance ubos sa pagpangulo ni City Director PCOL MARIO M. BAQUIRAN, JR. sa tanang tulunghaan ning dakbayan sa Iligan.
Gihimo ang maong kalihokan aron masiguro ang kaluwasan ug seguridad sa mga estudyante, magtutudlo, ginikanan, ug mga kawani sa eskwelahan, samtang gipadayon ang kalinaw ug kahapsay sa komunidad atol sa pagsugod sa klase.
Kini naghatag og kasigurohan sa komunidad nga andam ang kapolisan sa pagtabang ug pagresponde sa bisan unsang emerhensya, ilabina panahon sa pagbukas sa klase diin daghang tawo ang magtapok sa mga eskwelahan.
Sa laing bahin, nagpahimangno usab ang kapolisan nga dili tanang atong mabasa, makita, ug malantawan sa atong mga anak adunay maayong epekto.
Giyahan ug bantayan ang mga anak pinaagi sa pag-monitor sa ilang online nga mga kalihokan ug search history sa ilang mga digital nga device.
Dugang pa, Limitahan usab ang ilang paggamit sa mga gadget, tungod ang husto nga giya ug pag-atiman sa mga ginikanan mao ang labing importante aron mapanalipdan ang atong kabatan-onan.
