Gipahigayon sa City Mayors Office-Iligan City Anti-Drug Abuse Council ICADAC pinaagi sa Promotion, Control and Education (PCE) Team ang Drug Symposium, Drug Testing Orientation, ug STI/HIV Awareness sa Corpus Christi Parochial School of Iligan Incorporated ning miaging adlaw isip kabahin sa pagsaulog sa International Day Against Drug Abuse and Illicit Trafficking (IDADAIT) 2026.
Sumala pa, ang kalihokan gitambongan sa mga opisyal sa eskwelahan ug gipasiugdahan sa mga resource speakers gikan sa Philippine Drug Enforcement Agency (PDEA), City Health Office, ug CMO-ICADAC.
Diin, gipahimangnoan niini ang mga estudyante bahin sa kadaot sa ilegal nga droga, hustong proseso sa drug testing, ug kahibalo sa STI/HIV aron mapalig-on ang kampanya alang sa usa ka drug-free ug himsog nga komunidad.
