Gipahibawo sa publiko ni Department of Social Welfare and Development (DSWD) Sec. Rex Gatchalian nga dili nila buhian ang 14-anyos nga si Nash, usa sa mga menor de edad nga suspek sa insidente sa pagpamusil sa tunghaan sa Tacloban City, hangtod nga ilang makita nga mausab na kini.
Kahinumduman nga nakurat ang publiko sa pagpamusil nila Nash ug 15-anyos nga si Rod sulod sa ilang tunghaan sa San Jose National High School niadtong Lunes, Hunyo 22, 2026 nga nakaingon sa kamatayon sa tulo nila ka mga classmate.
Gipasabot ni Gatchalian nga posibleng makabaton og criminal liability ang mga bata nga nag-edad og 15 anyos pataas kung mapamatud-an nga nasayod sila sa sakto ug sa sayop sa ilang gibuhat. Matod niya nga adunay mga kaso nga gisuspenso ang sentensiya sa criminal liability sa bata apan mobalik sila sa DSWD rehabilitation center aron mopailawom sa intervention ug assessment,
Gitataw ni Gatchalian nga posible pa nga mapriso ang mga bata sa mga regular nga prisohan kung mapamatud-an nga walay epekto ang DSWD intervention sulod sa rehabilitation center. Matud pa ni Gatchalian nga daghang mga tawo ang nagtuo nga ang mga bata nga nag-edad og 15 paubos dili mahimong tulubagon sa krimen, apan dili kana tinuod.
Dugang ni Gatchalian nga dili nila buhian si Nash hangtod nga dili nila makita nga nausab ang bata apan ang naulahi magpabilin sa ilang Bahay Pag-asa kung mapakyas sila sa pagtan-aw sa pagbag-o sa bata ubos sa ilang pag-atiman.
Nagpadayon si Gatchalian nga nag-ingon nga magdepende sa Korte, mga social worker, o mga child psychologist kung magpabilin si Nash sa Bahay Pag-asa ug mas dugay. Ang 14-anyos nga suspek nga si Nash anaa sa kustodiya sa DSWD samtang ang 15-anyos nga si Rod nag-atubang sa kasong three counts of murder, frustrated murder, ug serious physical injury.
Photo Courtesy: Philippine News Agency
