Nasikop ang usa ka pedicab driver nga giila nga si alyas “Mar” sa usa ka buy-bust operation nga gipahigayon sa Sta. Cruz, Davao del Sur niadtong Hunyo 24,2026 alas-9:00 sa gabii.
Ang suspek, hamtong ang pangidaron ug residente sa Inawayan, Sta. Cruz, Davao del Sur, gikatahong nagbaligya og ilegal nga droga o shabu.
Gipahigayon ang operasyon sa hiniusang pwersa sa Sta. Cruz Municipal Police Station, RDEU 11, PDEA 11, PDEU, PIT-RID Davao del Sur, RIU 11, 1st DSPMFC, ug 1104th Maneuver Company.
Nakuha gikan sa iyang posesyon ang usa ka sachet sa gituohang shabu nga gibana-banang motimbang og 3.5 gramos ug adunay gibanabanang kantidad nga kapin ₱23,800.
Sa pagkakaron, anaa na sa kustodiya sa Sta. Cruz Municipal Police Station ang suspek samtang gihikay ang mga dokumento alang sa kasong paglapas sa Republic Act 9165 o ang Comprehensive Dangerous Drugs Act of 2002.
