Nailhan na sa kapulisan ang patay’ng lawas nga napalgan sa Purok Upo, Barangay Sebucao, Dumalinao, Zamboanga del Sur, kagahapon sa buntag, Hunyo 26.
Base sa mga ID nga nakuha gikan sa biktima, siya giila nga si Jonjie Aclo Cahayag, usa ka security guard ug residente sa Purok 1, Barangay Baga, Panaon, Misamis Occidental.
Sa inisyal nga imbestigasyon sa kapulisan, ang biktima adunay tulo ka samad pinusilan sa lawas, nga gituohang maoy hinungdan sa iyang kamatayon.
Padayon pang giimbestigahan sa mga awtoridad ang insidente, lakip ang pagtino sa kalibre sa pusil nga gigamit sa krimen.
Gipaabot usab ang resulta sa Scene of the Crime Operatives (SOCO) sa gipahigayon nga lawom nga crime scene examination ug forensic investigation.
Samtang, nagpadayon ang Dumalinao Municipal Police Station sa hot pursuit operation ug CCTV backtracking aron mailhan ug madakpan ang mga responsable sa maong krimen.
