Nagpadayon ang pahimangno sa mga otoridad sa panglawas ngadto sa publiko nga magmatngon batok sa dengue, ilabina karong panahon sa ting-ulan diin mas dali motubo ang mga lamok nga nagdala sa maong sakit.
Sumala ni Municipal Sanitation Inspector II sa RHU Nabunturan Jenebeb T. Alfarero, , ang bulan sa Hunyo gisaulog isip Dengue Awareness Month, isip pagpahinumdom sa publiko kabahin sa dengue ug sa mga paagi aron malikayan kini.
Gipasabot usab ni Alfarero nga importante ang kanunay nga pagpanglimpyo sa palibot ug pagtangtang sa mga sudlanan nga adunay nagtindog nga tubig, tungod kay maoy kasagarang kapuy-an ug pagpamuoan sa mga lamok.-
Giawhag niya ang tanang residente sa Nabunturan nga magtinabangay sa pagmintinar sa kalimpyo sa ilang komunidad aron mapugngan ang pagkatap sa dengue ug mapanalipdan ang kahimsog sa matag pamilya.
Photo Courtesy: RHU Nabunturan
