Daling narescue sa mga personahe sa City Disaster Risk Reduction and Management Office (CDRRMO) uban sa Bureau of Fire Protection- Mati City Fire Station ang usa ka babaye nga giingong miambak sa Pujada Bay, Brgy. Badas, Mati City, Davao Oriental pasado alas 7:00 sa gabii, Hunyo 25, 2026.
Base sa report naila ang maong biktima nga si Sheila Bauyot Dizon, 27-anyos nga lumolopyo sa Magsaysay-4, Brgy. Central ning dakbayan.
Human nga madawat ang taho mahitungod sa maong insidente, daling naglusad ug rescue operation ang mga kawani sa CDRRMO sa pagpanguna ni Charlie Bagasol ug gilayong gidala ang biktima sa pinakaduol nga balay tambalanan.
Samtang gikataho usab sa mga nakasaksi nga ayha paman nga miambak ang biktima sa maong pangpang nag-video pa kini sa iyang kaugalingon.
Sa pagkakaron padayon pa ang imbestigasyon sa mga otoridad aron nga masuta ang hinungdan sa pag-ambak sa maong babaye.
Photo Courtesy: CDRRMO
