Nagbilin ug lig-ong pahimangno si BFP 9 Outgoing Regional Director FCSUPT Jerry D. Candido sa tanang mga fire officers sa rehiyon nga dili na gyud tugutan ang pagbalik sa gitawag nga “FO1 for Sale” scheme.
Kini iyang gibutyag atol sa pakighinabi sa Juander Radyo News Team dungan sa iyang send off ceremony nga gihimo sa BFP Regional Office 9 Ground kagahapon, Hunyo 24, 2026.
Matud ni RD Candido kinahanglan nga mapadayon ang kultura sa integridad, disiplina, ug patas nga proseso sa recruitment sa mga bag-ong miyembro sa Bureau of Fire Protection.
Gipasiugda usab niya nga ang matag aplikante nga angayan nga makasulod pinaagi lamang sa ilang kwalipikasyon, kahago, ug merito, ug dili pinaagi sa kwarta o impluwensya.
Samtang iya usab nga giaghat ang tanang aplikante nga kon makatagbo sa FO1 Scheme for Sale mahimong makigkoordinar dayon sa pinakahingtungdang ahensya aron kini mahatagan ug aksyon.
Photo Courtesy: BFP R9 Pagadian City Fire Station
