Kapin sa 9000 ka mga personnel sa Philippine National Police (PNP) ang ipakatap aron magbantay sa White Ribbon Protest nga ipahigayon sa EDSA People Power Monument sa Quezon City karong Hunyo 28.
Matud ni PNP National Capital Region Police Office Spokesperson Major Hazel Asilo, hangtod karon wala pa silay namonitor nga bisan unsang hulga nga may kalabotan sa maong kalihokan.
Ang nationwide rally giorganisa sa nagkadaiyang religious ug civil society groups ubos sa Inter-Religious Leaders Council for National Transformation, nga nanawagan alang sa electoral reforms, accountability sa gobyerno, ug pagsumpo sa korapsyon ug political dynasties.
Samtang, gipaniguro ni PNP Chief General Jose Melencio Nartatez Jr. nga magpabiling apolitical ang PNP ug magpokus sa pagmintinar sa kalinaw ug kahapsay, samtang gitahod ang katungod sa publiko sa malinawon nga panagtigom.
Gimandoan usab sa liderato sa PNP ang tanang operational units nga ipatuman ang maximum tolerance, hapsay nga pagdumala sa trapiko, ug pagsunod sa mga civil disturbance protocol atol sa protesta.
Photo Courtesy: Philippine News Agency
