Tingkagol karon sa prisohan ang usa ka drug pusher human madakpan sa gilusad nga drug buy-bust operation sa mga otoridad sa Purok-1B, Barangay Poblacion, lungsod sa Barobo, Surigao Del Sur, niadtong Biyernes sa gabii, Hunyo 26, 2026.
Narekober gikan sa posisyon sa suspetsado ang walo ka sachet sa gidudahang shabu. Kini nagtimbang og upat (4) ka gramo ug adunay gibanabanang kantidad nga Php 27,200.00.
Ang malampusong operasyon gipangunahan sa mga personahe sa Barobo Municipal Police Station (MPS) ubos sa pagdumala sa ilang Officer-in-Charge (OIC) nga si PMAJ Andrew G. Lupian.
Human sa pagka-aresto, daling gipahibalo ang suspetsado sa iyang mga katungod ubos sa Miranda Doctrine ug Anti-Torture Warning. Sa pagkakaron, ang suspetsado ug ang mga nakumpiskang ebidensya anaa na sa kustodiya sa Barobo MPS alang sa saktong disposisyon ug pagpasaka sa haom nga mga kaso.
Photo courtesy: Barobo MPS
