Tingkagol karon sa selda sa kapulisan ang usa ka 72-anyos nga mag-uuma human kini nadakpan sa mga otoridad pinaagi sa warrant of arrest didto sa Purok 3B, Barangay Cabas-an, Cantilan, Surigao Del Sur niadtong Miyerkules sa hapon, Hunyo 24, 2026.
Giila sa Cantilan Municipal Police Station (MPS) ang dinakpan nga si alyas “Jose”, minyo, ug molupyo usab sa maong dapit.
Ang malampusong operasyon gipangunahan sa Intel Operatives sa Cantilan MPS ubos sa pagdumala sa ilang Officer-In-Charge nga si PCPT Jovie C. Alngog.
Nadakpan si alyas “Jose” pinaagi sa Warrant of Arrest nga giisyu niadtong Hunyo 24, 2026, sa Regional Trial Court, Branch 41 sa Cantilan. Kini tungod sa pagsupak sa Comprehensive Law on Firearms and Ammunition (Republic Act No. 10591). Dunay girekomendang piyansa ang korte nga Php 80,000.00 para sa iyang temporaryong kagawasan.
Gipahibalo ang dinakpan sa iyang mga katungod ubos sa Miranda Doctrine gamit ang pinulongan nga iyang nasabtan una kini gidala sa buhatan sa kapulisan alang sa saktong dokumentasyon ug booking process.
Photo courtesy: PNP Cantilan
