Gidasig sa PhilHealth ang mga voluntary paying ug self-employed members nga ipadayon ilang binuwan nga kontribusyon aron mapadayon usab ang ilang benepisyo sa panahon nga magkinahanglan sila og serbisyong medikal.
Kini ang gipaabot nga pamahayag ni Local Health Insurance Officer Arnyl Corpuz sa eksklusibo nga pakighinabi sa Juander Radyo News Team niining bag-o.
Pagpasabot ni Corpuz, ang kanunay nga pagbayad sa premium makatabang aron masiguro nga aktibo ang membership ug dali nga ma-avail ang mga benepisyo sama sa pagpahospital, outpatient services, ug ubang health benefit packages.
Gipahinumdoman usab niya ang mga miyembro nga mahimong mobayad pinaagi sa mga accredited collecting partners, online payment channels, ug PhilHealth offices aron mas sayon ug walay hasol ang pag-update sa ilang kontribusyon.
Alayon niini, hugot niyang gi-awhag ang tanang voluntary ug self-employed members nga mahimong responsable sa ilang monthly contributions isip kabahin sa pagpanalipod sa kaugalingong panglawas ug sa ilang pamilya.
