Gipasidunggan pinaagi sa usa ka send-off ceremony ang outgoing Regional Director sa Bureau of Fire Protection Region (BFP) Region 9 nga si FCSUPT Jerry Duhina Candido isip pag-ila sa iyang dedikado ug matinud-anong pag-alagad sa rehiyon 9.
Ang maong kalihukan gitambungan sa mga personahe sa BFP Region 9 diin sila nipadayag sa ilang pagpasalamat sa liderato ni Outgoing Regional Director Candido nga nakatampo sa pagpalig-on sa operasyon ug pagpalambo sa serbisyo sa ahensya.
Atol sa kalihukan, nipaabot ug mensahe si Outgoing Regional Director Candido ngadto sa tanan niyang mga ginsakupan alang sa ilang makanunayong suporta ug kooperasyon sa tibuok duha ka tuig ug upat ka bulan niyang pagdumala sa BFP 9.
Giawhag usab niya ang tanang mga ginsakupan nga ipadayon ang disiplina, panaghiusa, kalimpyo, ug matinud-anong pagserbisyo alang sa katawhan alang sa mas kauswagan pa sa ahensya bisan dili na siya ang mangulo.
Ang pagpahigayon sa ang send-off ceremony nagsilbing simbolo sa pagpasalamat ug paghatag og dungog sa bililhong kontribusyon ni FCSUPT Jerry Duhina Candido isip Regional Director sa BFP Region 9.
