Naglunsad ang Bureau of Internal Revenue (BIR) og usa ka higayon nga tax abatement program nga naghatag og kahigayonan sa mga kuwalipikadong micro taxpayers nga masulbad ug mabayran ang ilang mga nagpabiling kaso sa buhis hangtod sa katapusan sa kasamtangang tuig.
Ubos sa Revenue Regulations No. 4-2026, ang mga kuwalipikadong aplikante mahimong mo-apply alang sa pagpaubos o pagwagtang sa pipila ka mga obligasyon sa buhis ug mga multa. Naglangkob kini sa mga delinquent accounts, tax assessments, ug mga abri nga kaso sa stop-filer nga naglungtad na hangtod niadtong Disyembre 31, 2025, lakip na kadtong mga negosyante nga nihunong na sa operasyon apan aduna gihapoy wala masulbad nga mga rekord sa buhis.
Aron makapahimusos sa programa, ang mga aplikante kinahanglan nga mobayad og abatement fee nga nagkantidad og ₱5,000 pinaagi sa BIR Form No. 0605 sulod sa lima ka adlaw sa pagtrabaho (working days) human sa pag-file. Kinahanglan usab nga isumite ang kamatuoran sa pagbayad sulod sa maong gitagal nga mga adlaw sa dili pa i-isyu sa BIR ang sertipiko nga nagkompirmar sa opisyal nga pagsira sa maong kaso.
Sa usa ka pamahayag, gipahayag ni BIR Commissioner Charlito Martin Mendoza nga ang maong lakang naghatag og kahigayonan sa mga gagmayng negosyante nga makasugod pag-usab nga limpyo ang rekord o adunay tinatawag nga “clean slate.”
Gidugang usab ni Finance Secretary Frederick Go nga ang maong inisyatiba kabahin sa padayong tinguha sa kagamhanan sa pagpalambo sa mga reporma alang sa ease of doing business kon ang pagpasayon sa pagpatigayon dinhi sa nasod.
Photo Courtesy: Philippine News Agency
