Nasikop sa mga operatiba sa Capoocan Municipal Police Station (MPS) ang usa ka 34-anyos nga lalaki nga giila sa alyas nga “Rogie” walay trabaho ug residente sa Barangay Cabul-an, Capoocan, Leyte atol sa operasyon batok sa ilegal nga sugal nga gilusad sa Barangay Pinamopoan, sakop sa naasoy nga lungsod kagahapong adlawa, Hunyo 23, 2026.
Ang pagdakop gihimo isip kabahin sa Simultaneous Anti-Criminality Law Enforcement Operation (SACLEO) diin ang suspek nalambigit sa ilegal nga sabong o “tupada.”
Gidala ang suspek sa estasyon sa kapulisan alang sa hustong dokumentasyon ug disposisyon. Samtang ginakompleto ang mga papeles alang sa pormal nga pagsang-at sa kaso batok sa suspek tungod sa paglapas sa Presidential Decree No. 449 o ang Cockfighting Law of 1974, nga nagdumala sa legal nga operasyon sa sabong ug nagdili sa mga kalihokang wala gitugotan sa balaod.
Sa pagkakaron, anaa na sa kustodiya sa Capoocan MPS ang suspek alang sa hustong disposasyon.
Photo Courtesy:Capoocan MPS
