Gisaulog nga malinawon ang ika-69th araw ng Barangay Poblacion Nabunturan, Davao De Oro diin gipasiugda sa mga lokal nga lider ang panaghiusa ug padayon nga kalambuan sa komunidad gahapong adlawa.
Sa mensahe ni Mayor Myrocel Balili, atol sa pag-cover sa Juander Radyo News Team sa maong kalihukan nga padayon ang paningkamot sa LGU Nabunturan sa pagpangita og mga proyekto nga makatabang sa lungsod ug sa Barangay Poblacion
Gihisgutan usab niya ang mga lakang aron masulbad ang mga panginahanglanon sa edukasyon, lakip na ang pagpaayo sa mga pasilidad ug seguridad sa Nabunturan National Comprehensive High School.
Dugang pa, adunay gipadalang P20 mil ka pesos nga suporta gikan sa Kongresista sa Ikaduhang Distrito alang sa raffle ug uban pang kalihokan sa kasaulogan.
Samtang, gipasalamatan ni Punong Barangay Menchie Caballero ang mga residente sa ilang padayon nga suporta ug kooperasyon. Matud niya, ang tinuod nga kusog sa Barangay makita sa panaghiusa ug pagtinabangay sa katawhan.
