Gipasabot sa International Committee of the Red Cross (ICRC) ngadto sa mga media practitioners sa Northern Mindanao ang importansya sa International Humanitarian Law o IHL atol sa Media Orientation on International Humanitarian Law nga gipahigayon kagahapong adlawa, Hunyo 24, 2026.
Gipangunahan ang kalihokan ni Hazim Shahin, Head of Sub-Delegation sa ICRC, uban sa ubang mga kawani sa organisasyon. Gisugdan ang programa alas 8:30 sa buntag ug natapos alas 6:00 sa gabii.
Atol sa orientation, gipasabot sa ICRC ang ilang papel isip usa ka neutral ug independenteng organisasyon nga nagbisita sa mga persons deprived of liberty nga nalambigit sa armadong panagbangi, nagtabang sa paghiusa pag-usab sa mga pamilyang nabulag, ug naghatag og humanitarian assistance sama sa pagkaon, kapuy-an ug ubang batakang panginahanglan sa mga komunidad nga naapektuhan sa kagubot ilabina kon kulang pa ang nahatag nga suporta gikan sa gobyerno.
Gituki usab ang ilang mga programa alang sa pagpanalipod sa sibilyang populasyon pinaagi sa assessment sa mga apektadong komunidad, pagbisita sa mga detention facilities, ug paghatag og tabang sa natad sa panglawas ug economic security.
Lakip usab sa mga gihisgutan ang proteksyon sa mga journalists ilalom sa International Humanitarian Law ug ang ilang papel sa responsableng paghatag og impormasyon panahon sa adunay armed conflicts o panagbangi.
Angayang masayran nga usa ang Juander Radyo Malaybalay sa mga Media Outlets nga mitambong og mipartisipar kundiin personal kining gitambongan ni Station Manager Clie-Andro Daguplo.
Mapasalamaton usab ang tanang media practitioners sa kahigayonan nga hingpit gayud nga nasabtan ang lagda sa maong organisasyon gumikan sa maong programa
Photo Courtesy: ICRC
