Giawhag sa Economic Enterprise and Development Office (EEDMO) ang tanang mga tagtungod o mga paryente sa mga gilubong sa Municipal Public Cemetery nga personal nga mobisita sa EEDMO- Cemetery Office, nga nahimutang sa Ground Floor, Central Market, Barangay Poblacion.
Matud ni Francis Alava ang Head sa EEDMO Cemetery Section kinanghan mag-update ang mga kabanay sa mga gilubong sa Public Cemetery aron nga malikayan ang kalibog sa panahon sa implementasyon sa proyekto.
Dugang ni Alava nga subay sa ilang bag-o nga giduso nga Cemetery Code ngadto sa Sanguniang Panglunsod, nga hangtud nalang sa 5 ka tuig ang bukog sa mga adult gikan sa gilubngan ug ibalhin na kini sa bone Ossuary.
Tumong niini nga bag-ong polisiya aron bakante ang pantyon ug magamit kini alang sa uban pang mga lumulupyo nga nanginahanglan og lubnganan.
Gihangyo sa buhatan ang kooperasyon sa tanan aron masiguro ang hapsay, organisado, ug patas nga pagdumala sa Municipal Public Cemetery.
