Suspendido ang tanang klase sa pampublikong ug pribadong mga eskwelahan sa unom ka Barangay sa Lungsod sa Tubod, Lanao del Norte tungod sa nasinating 4.2 magnitude nga linog sa may alas 11: 15 sa buntag niadtong Hunyo 24, 2026.
Sumala pa, paspas nga nihimo og emergency assessment ang Quick Response Team an mga responders sa mga eskwelahan ilabina sa mga barangay sama sa Bualan, Taguranao, Palao, Dalama, ug Malingao.
Atol sa inspeksyon, nakit-an ang mga liki sa pipila ka mga bilding sa eskwelahan, barangay hall ug covered court nga nanginahanglan pa og dugang nga structural evaluation.
Dugang pa, aron masiguro ang kaluwasan sa mga estudyante ug katawhan, gimando sa Mayor sa Lungsod pinaagi sa Executive Order No. 35, Series of 2026, ang temporaryong pagsuspinde sa klase sa tanang lebel sa publiko ug pribadong eskwelahan sugod karong adlawa Hunyo 25 hangtod sa sunod nga pahibalo.
Photo Courtesy: MDRRMO Tubod
