Isog nga gipanalipdan sa iyang inahan nga si Joanna Rose Bacosa si Eman Bacosa human kini mabatikos sa social media tungod sa iyang kapildihan sa miaging championship fight.
Sa usa ka pahayag, gipasabot ni Joanna nga bisan napildi ang iyang anak, nagpabilin kini nga matinud-anon ug limpyo nga nakig-away sulod sa ring. Matud pa niya, “Malinis ka maglaro at hindi ka madaya,” isip pagdasig ug suporta kang Eman.
Misugod ang mga kritisismo batok sa batan-ong boksingero human sa iyang kapildihan sa maong away, diin adunay mga netizens nga mibatikos sa iyang performance. Apan, alang sa iyang inahan, wala kini makapawala sa integridad ug paningkamot sa iyang anak isip usa ka atleta.
Sa laing mga pahayag sa social media, mibuwelta usab si Joanna sa mga bashers ug giakusahan ang pipila nga gigamit lamang si Eman aron makakuha og atensyon ug kita sa internet.
Si Eman Bacosa, nga padayon nga nagpatukod sa iyang kaugalingong ngalan sa kalibotan sa boksing ug showbiz, nagpadayon sa pag-atubang sa mga pagsulay uban sa suporta sa iyang pamilya ug mga tagasuporta. Bisan sa kapildihan, daghan gihapon ang nagtuo nga dako pa ang potensyal sa batan-ong boksingero sa umaabot
Photo Courtesy: Eman Bacosa Pacquiao /Joanna Rose Bacosa fb
