Ipahigayon karong Septyembre 20 sa lungsod Argao ang Adlaw sa Kublan-Argao Aquathlon isip kabahin sa selebrasyon sa tinuig nga pista agig pagpasidungog kang San Miguel Arkanghel.
Matud ni race director ug head organizer nga si Scyll Gabriel Basirgo, ang kalihukan gisuportahan sa SugbuTri ug Argao Tourism Office ug gitumong sa pagpasiugda sa kahimsog, sports, ug turismo sa lungsod.
Naglangkob kini sa novice, short distance, ug long distance aquathlon, lakip na ang open water swim events ug 5K Fun Run. Adunay cash prizes nga moabot hangtod P10,000 alang sa mga mananaog sa long-distance category.
Gilauman sa mga organizerr ang kapin sa 200 ka partisipante gikan sa nagkadaiyang age groups. Alang sa rehistrasyon ug dugang impormasyon, mahimong mobisita sa Adlaw sa Kublan-Argao Aquathlon Facebook page.
Photo Courtesy: MAGZTER.COM
