Gipahayag sa Department of Education o DepEd Region X nga makapasubo ang nahitabong insidente sa Tacloban ug sa pagkakaron nagpakanaog na og kamanduan ang DepEd Central Office.
Matod ni Michael Dave Tan, Spokesperson sa DepEd 10 nga gi-activate na ang mga Child Protection Focal Persons pinaagi sa mga Schools Division Superintendents ug sa tanang eskwelahan sa Northern Mindanao.
Dugang pa niya, gi-alerto na ang mga eskwelahan sa rehiyon aron palig-onon ang mga security measures ug malikayan nga mausab ang susamang insidente sa umaabot ug nakig koordina na ang DepEd sa Philippine National Police ug Department of Social Welfare and Development aron masiguro ang hustong intervention alang sa mga learners ug ang ilang kaluwasan.
Photo courtesy: Department of Education Region X
