Patay na nga nakit-an ang duha ka gagmayng bata sulod sa usa ka sakyanan sa France ug gituohang biktima sa grabeng heatwave nga nagdala og rekord nga taas sa temperatura ug mga pasidaan sa panglawas sa daghang bahin sa Europe.
Nag-edad ang mga bata og 2 ug 4-anyos kinsa nakit-an sa sakyanan sa ilang pamilya sa usa ka residential parking lot sa habagatang lungsod sa Carpentras.
Sumala sa lokal nga mga awtoridad, posible nga ang grabeng kainit maoy hinungdan sa ilang kamatayon. Segon sab sa mga emergency responders nga nakaplagan ang duha ka bata nga wala nay pulso atol sa ilang pagresponde.
Gitambalan usab sa mga responder ang inahan sa mga bata, nga wala pa maimbestigahi sa mga awtoridad.
Miigo sa Europe ang labing awahi nga heatwave hinungdan sa pagkansela sa mga kalihokan sa gawas, pagkabalda sa transportasyon, pagsira sa mga eskwelahan, ug pagdasig sa mga empleyado nga magtrabaho gikan sa ilang mga panimalay.
Nagpagawas usab ang mga awtoridad og mga health alert aron mapanalipdan ang mga tigulang ug uban pang delikadong sektor.
Gipalapdan sa Meteo-France ang red alert alang sa heatwave ngadto sa kapin sa katunga sa mga departamento sa nasud, nga nakaapekto sa gibana-banang 39 milyones ka tawo.
Photo courtesy: NDTV World
