Nasakmit sa Zamboangeño boxer nga si Rodelyn Perez ang bakanteng Philippine Boxing Federation (PBF) Youth Lightweight Title human niya gipildi pinaagi sa majority decision ang anak sa boxing icon nga si Manny Pacquiao nga si Emman Bacosa Pacquiao didto sa Cagayan de Oro City.
Nitapos ang kulbahinam nga sangka sa score nga 75-75, 76-73, ug 75-74, diin duha ka hurado ang mibotar pabor kang Perez samtang usa ang nitala og tabla.
Gipakita sa Zamboangeño boxerb ang iyang grabeng kusog ug determinasyon human niya ug gipukan sa lona si Bacosa Pacquiao sa tulo ka higayon sulod sa tibuok away, nga maoy nahimong yawe aron makuha niya ang dako nga bentaha sa scoring sa mga hurado.
Ang maong kadaugan nagtimaan sa usa ka dako nga breakthrough sa karera sa boksidor gikan sa Zamboanga, samtang nasakmitan usab sa iyang damgo nga makakuha og titulo si Bacosa Pacquiao.
Dako usab ang nakuha nga atensyon sa maong engkwentro gikan sa mga boxing fans sa tibuok nasud tungod sa gipakitang grabe nga bakbakan, binukbokay, ug dramatikong mga knockdowns sa duha ka batan-ong boksidor.
Photo Courtesy: Cebu Daily News/Sports Corner ph
