Nakatutok karon ang 9th Regional Community Defense Group (9RCDG) sa pagpalig-on sa morale sa mga reservist human mi assume sa katungdanan ang bag-ong Group Commander nga si Colonel Arnold Gasalatan.
Sumala ni Col. Gasalatan, importante kaayo alang kaniya ang personal nga pagbisita sa mga reservist aron direkta niyang makita ang ilang kahimtang ug mahatagan og dugang kadasig ang mga boluntaryong nagserbisyo sa ilawom sa reservist force.
Gipasiugda niya nga pinaagi sa maong mga lakang, mapugngan ang pagbati sa kakulang sa apresyasyon sa mga reservist nga padayon nga nag-alagad bisan walay kasiguraduhan sa sweldo, lahi sa mga regular nga sundalo.
Gidugang sa opisyal nga iyang ipadayag ang mas lig-on nga suporta pinaagi sa kanunay nga pakighalubilo ug pagbisita sa mga unit aron mapalig-on ang disiplina, moral, ug kaandam sa mga reservist sa pagtabang sa nasud.
Photo Courtesy:9th Regional Community Defense Group
