Naangol kapin 54 ka mga trabahante ang kusog nga pagbusikad og pagkasunog sa usa ka pabrika sa Ras Laffan Industrial City sa Qatar sumala sa Qatar Interior Ministry. Giingong adunay “technical malfunction” o depekto sa kagamitan nga maoy hinungdan sa insidente.
Matod sa mga otoridad, 18 ka tawo ang padayon pang gipangita human sa maong pagbuto.
Dayon nga gipahigayon ang search and rescue operations aron masiguro ang kahimtang sa mga na-missing ug matabangan ang mga biktima.
Gipatin-aw sa state-owned nga Qatar Energy nga nahitabo ang pagbuto ug sunog atol sa pagsugod pag-usab sa operasyon sa Barzan local gas supply facility sulod sa Ras Laffan Industrial City.
Nakit-an usab sa mga saksi ang dakong kalayo ug aso nga misaka sa kalangitan gikan sa lugar sa insidente. Ang Ras Laffan maoy sentro sa liquefied natural gas (LNG) sa Qatar ug usa sa pinakadako sa kalibotan.
Naigo na usab kini kaniadto sa mga pag-atake atol sa giyera tali sa Estados Unidos ug Iran, nga nakaapekto sa produksiyon ug eksportasyon sa natural gas sa nasud.
Photo Courtesy: Thread
