Nakadawat og livelihood assistance ang 46 ka former rebels sa gipahigayon nga turnover ceremony atol sa pagsaulog sa ika-upat nga Peace and Progress (Insurgency-Free) Celebration sa lobby sa Kapitolyo Hunyo 22, 2026
Mismong si Governor Raul Mabanglo ang nanguna sa pagtunol sa mga tseke kauban ang mga representante sa Armed Forces of the Philippines (AFP), Philippine National Police (PNP), ug DILG.
Matag usa kanila nakadawat og P65,000 pesos nga ayuda ubos sa Enhanced Comprehensive Local Integration Program (ECLIP) nga gipasiugdahan sa Department of the Interior and Local Government (DILG).
Tumong sa programa nga hatagan og kapital ang mga kanhing rebelde aron makasugod og panginabuhian ug matubag ang ilang adlaw-adlaw nga panginahanglan samtang nagpadayon sa ilang pagbalik sa malinawon ug produktibong kinabuhi.
Matod ni alyas “Pia,” usa sa mga benepisyaryo, dakong tabang ang ECLIP sa pagtuman sa ilang mga pangandoy ug sa pagpalambo sa kahimtang sa ilang pamilya.
Samtang sumala pa sab ni Maj General Alvin Luzon ang padayon nga mga intervention aron mas makab-ot pa ang kalambuan og kahupsay og kalinaw.
Ngpadangat sab sa iyang mensahe ang amahan sa lalawigan sa Davao De Oro nga si Gobernador Engr Raul Mabanglo ang pagapdayun sa tinguha sa paglahutay sa kalinaw.
Padayon ang suporta sa Probinsya sa Davao De Oro sa mga kanhing rebelde nga karon giila na isip Reintegrated Members of the Community (RMC).
