Pormal nang gilusad sa Department of Agriculture (DA) ang Animal Vaccine Development Program nga nagtumong sa paghimo og mga bakuna batok sa nagkalain-laing sakit sa kahayopan aron mapalig-on ang livestock industry sa nasud.
Kini human napirmahan na ang memorandum of agreement tali sa DA ug sa Central Luzon State University. Ubos sa maong kasabutan, manguna ang Center for Transboundary Animal Diseases (CenTrAD) sa research ug development aron makahimo og luwas ug epektibong mga bakuna nga angay sa kahimtang sa mga sakit sa kahayopan sa Pilipinas.
Sumala kang Francisco Tiu Laurel Jr., dako ang ikatabang sa programa sa pagpugong sa mga sakit sa kahayopan ug sa pagpalambo sa produksiyon sa sektor sa agrikultura pinaagi sa Science and Technology.
Gituohan usab nga makatampo kini sa paglig-on sa food security sa nasud pinaagi sa mas himsog ug mas produktibong industriya sa kahayopan.
Photo Courtesy: Open Acess Government
