Nalakip na sa mga serbisyong mahimong mapahimuslan sa mga miyembro sa PhilHealth pinaagi sa Yakap Program ang cancer screening tests nga gihatag sa mga akreditadong Yakap Health Providers sa Zamboanga del Sur.
Matod ni Local Health Insurance Officer Arnyl Corpuz, usa kini sa nadugang sa mga benepisyo nga mahimong maangkon sa mga miyembro kon magpa check up diha sa mga naka-assign nga yakap doctor sa accredited health care facilities.
Dugang pa niya, sa Zamboanga del Sur tulo na ka mga health care facilities ang nag-offer sa cancer screening test nga libre basta miyembro lang sa PHILHEALTH.
Giingon ni Corpuz, tumong sa PHILHEALTH nga madiskubre sayo sakit nga cancer aron mas dali kini matambalan ug mas dako ang kahigayonan sa pagkaayo.
Gihangyo usab niya ang ang mga miyembro nga moduol sa labing duol nga Yakap Health Provider aron mahibal-an kung kwalipikado sila sa maong libreng preventive health services.
