Nagduso og sugyot-balaod si Sen. Erwin Tulfo nga ipatuman ang “no work, no pay” nga prinsipyo bisan sa labing taas nga opisyal sa gobyerno.
Ilawom sa maong sugyot, dili ihatag ang suweldo ug mga allowances sa opisyal kung sila mag-absent nga walay klarong rason o walay pormal nga abiso.
Gipunting ni Tulfo nga dili patas ang kasamtangang sistema, diin ang ordinaryong empleyado sa gobyerno mawad-an og bayad kung dili mosulod sa trabaho, samtang ang pipila ka opisyal padayon gihapon nga makadawat og suweldo bisan walay serbisyo.
Gihisgutan usab niya si Sen. Jinggoy Estrada isip ehemplo sa boluntaryong paghunong sa pagdawat og suweldo panahon sa iyang pagkapriso, nga alang kaniya angay sundon sa tanang opisyal. Na-mention usab si Sen. Ronald “Bato” dela Rosa nga giingong dugay nga wala nakatrabaho apan padayon gihapon og suweldo.
Tumong sa maong sugyot nga mapalig-on ang patas nga pagtratar ug responsibilidad sa tanang empleyado sa gobyerno, ug ipakita nga ang serbisyo publiko kinahanglan adunay klarong accountability ug walay labaw nga pribilehiyo ang mga opisyal sa taas nga posisyon.
Photo Courtesy: Wikipedia
