Gipakita ni Sparkle star Janeena Chan ang pipila ka makalingaw nga behind-the-scenes moments uban sa cast ug hosts sa bag-ong original game show sa GMA Comedy nga “The People Have Spoken.”
Sa iyang Instagram post, makita ang malipayon nga panag-uban sa production team gikan sa dressing room hangtod sa dry run sa programa.
Kauban ni Janeena ang mga host nga sila Heart Evangelista ug Sean Lucas, diin klarong makita ang ilang kasadya ug excitement alang sa maong show.
Matud pa ni Janeena, mura sila’g mga estudyante sa unang adlaw sa klase uban sa kapwa celebri-peeps nga sila Baus Rufo ug Joy Barcoma. Gani, gibiruan pa niya ang ilang grupo isip mga “pinaka-tabi-an sa klase.”
Bisan wala sa set si Tim Yap, wala gihapon siya kalimti ni Janeena ug gipadad-an kini og makalingaw nga mga video clips. Gipakita usab sa aktres ang iyang mga kulitan uban sa studio audience ug mga celebrity guests nga miapil sa programa.
Sa iyang caption, nagpahayag si Janeena sa iyang pagpasalamat nga nahimong kabahin siya sa maong game show ug talk show. Matud niya, dako ang iyang kalipay sa pagtrabaho uban sa iyang mga kauban sa “The People Have Spoken.”
Photo Courtesy: IMDb
