Misurender ang duha ka kanhi membro sa New Peoples Army human nga nakadesisyon mobalik sa sabakan sa goberno tungod sa kalisod nga nasinati dihang aktibong nakigbisog sa walhong grupo.
Nagpagawas sa ilang kasinatian si alyas Ka Kikay ang iyang pakigbisog sa kalihokan sa armadong grupo. Nakahukom usab nga mo-surender si Alyas Lucas, kanhi lider sa NPA nga naglihok sa Surigao del Norte.
Matod ni Ka Kikay, usa sa mga hinungdan nga misulod siya sa armadong kalihokan mao ang kamatayon sa iyang bana nga si Ka Edroy. Miingon siya nga dako ang kasakit ug kasubo nga iyang gibati tungod sa maong hitabo.
Dugang niini, dako usab og epekto sa iyang pagdesisyon ang sunod-sunod nga pagkamatay sa ubang mga lider sa NPA. Lakip ang pagkamatay sa iyang pag-umangkon nga miyembro usab sa maong grupo hinungdan nga mitalikod siya sa kalihokan
Gibutyag usab niini nga sukad napatay ang iyang bana nga si Ka Edroy, huyang na ang walhong grupo rason nga nakahukom na kini nga mokanaog ug aron makabalik sa iyang pamilya labi na nga adunay iyang duha anak.
Sa karon, nakadawat sila sa sa gitanyag nga programa sa gobyerno alang sa ilang bag-ong panginabuhian.
