Patas-an sa Japan ang bayad sa visa alang sa mga foreign nationals, ang unang pagpataas sulod sa 48 ka tuig. Giaprobahan sa Japanese government ang pagbag-o sa bayranan sa visa atol sa Cabinet meeting niadtong Biyernes.
Ubos sa bag-ong patakaran, ang single-entry visa mosaka gikan sa 3,000 yen ngadto sa 15,000 yen, samtang ang multiple-entry visa nga gikan sa 6,000 yen motaas ngadto sa 30,000 yen.
Epektibo ang bag-ong visa fees sa tanang aplikasyon sugod Hulyo 1. Matud ni Japanese Foreign Minister Toshimitsu Motegi, ang pagtaas resulta sa pagsaka sa presyo sa galastuhan sa visa applications.
Bisan pa niini, wala naglaom ang gobyerno sa Japan nga makaapekto dayon kini sa pagdagsa sa mga turista nga mosulod sa nasud.
Photo Courtesy: GaijinPot Blog
