Gisubay sa Imported Rice Price Monitoring Task Force sa Malaybalay City Price Coordinating Council (MPCC) ang labing menos 14 lang ka rice retailers gikan sa 70 ka mga ang nakasunod sa gipatuman nga ₱50.00 kada kilo nga price cap alang sa 5% broken imported rice sa dakbayan sa Malaybalay, gikan Hunyo 4 hangtod Hunyo 11, 2026, aron ipatuman ang Executive Order No. 118.
Gihimo ang operasyon sa napulo (10) ka nagkalain-laing lokasyon sa siyudad lakip na sa Aglayan, San Jose, Casisang Landing, Impalambong, Barangay 5, Sumpong, Dalwangan, Patpat, Kalasungay, ug Can-ayan. Sa maong datus, nasuta usab nga gawas sa mga nakalapas, adunay walo (8) ka mga retailers ang mihunong una sa pagbaligya og imported nga bugas.
Tungod sa ubos nga ihat sa mga nakatuman, gipasalig sa MPCC, uban sa tabang sa Department of Trade and Industry (DTI), Department of Agriculture (DA), ug Philippine National Police (PNP), nga mas hugtan pa nila ang pagpang-inspeksyon. Ika-monitor na usab ang saktong pagbutang og mga price tag ug shelf-talker sa mga baligyanan aron masiguro nga mapanalipdan ang bulsa sa mga konsumidor.
Sa katapusan, nagpahinumdom ang kagamhanan nga ang mga negosyante nga magpadayon sa paglapas sa EO No. 118 mag-atubang og bug-at nga silot administrative ug kriminal. Lakip sa mga silot mao ang dagkong multa, pagkansela sa business permit, pagpasalado sa tindahan, ug posible nga pagkabilanggo sumala sa balaod
Photo Courtesy: City Agriculture Office – Malaybalay
