Nadakpan sa hiniusang operasyon sa kapulisan ang Top 1 Provincial Level Most Wanted Person nga giatubang og duha ka kaso sa statutory rape niadtong alas-7 sa buntag sa Mayo 23 sa Brgy. Gurain, Bacolod-Kalawi, Lanao del Sur.
Ang suspek giila nga si alyas “CITO” nasikop pinaagi sa gipatuman nga Manhunt Charlie Operation nga gipangulohan sa Magsaysay Municipal Police Station. Gibase ang pagdakop sa warrant of arrest nga gi-isyu sa RTC Branch 21 ug adunay walay piyansa nga girekomenda.
Matod sa Magsaysay Municipal Police Station ubos sa pagdumala ni PCPT Orlando C. Udalve, nahatagan sa iyang katungod ang suspek ug karon anaa na sa kustodiya sa kapulisan alang sa hustong disposisyon.
Padayon usab sa ilang kampanya batok sa mga wanted person aron mapalig-on ang kalinaw ug kaluwasan sa komunidad.
