Patay ang usa ka armadong lalaki human nakigpinusilay sa mga miyembro sa United States Secret Service duol sa 17th Street ug Pennsylvania Avenue niadtong Sabado sa gabii, Mayo 23, 2026.
Base sa pahayag sa U.S. Secret Service, gikuha sa suspek ang armas gikan sa iyang bag ug kalit nga nagpabuto. Mitubag usab og pusil ang mga operatiba nga nakaigo sa suspek nga gidala dayon sa ospital apan nakabsan gihapon sa kinabuhi.
Usa usab ka sibilyan ang naigo sa pagpamusil samtang walay nasamdan sa mga opisyal sa Secret Service.
Giingon sa mga otoridad nga anaa si US President sa White House atol sa insidente apan wala maapektuhi ang seguridad ug operasyon sa palasyo.
Padayon pa karon ang imbestigasyon sa insidente samtang gipaabot pa sa mga awtoridad ang dugang detalye sa pagpamusil.
Photo courtesy: CNN
