Gipadayag ni Kapitan Philip Poras nga wala siya magkulang sa paghangyo ug pagpasabot sa mga residente sa Lot 1 ug Lot 2 sa Barangay Mambuaya kalabot sa pagpabakante sa pribadong luna nga karon nahimong sentro sa kagubot human misukol ang pipila ka mga residente.
Matod sa kapitan nga personal siyang mihangyo sa tag-iya sa yuta aron makapalit og tituladong luna nga mahimong relocation site alang sa mga residenteng maapektuhan sa demolisyon.
Dugang pa, niya nga gatusan na ang nakabalhin o nakarelocate, apan adunay pipila nga nagpabiling nagmagahi ug dili motugot sa pagpahawa.
Gibutyag usab ni Kapitan Poras nga nagkadaghan na hinoon ang mga undocumented settlers sa lugar tungod sa giingong pagpamaligya sa pwesto sa pipila ka mga nakaposisyon sa lugar.
Sapagkakaron gitakda sa katapusang bahin ning bulan ang dayalogo ug pagpatuman sa proseso human agresibo ang nanag-iya sa yuta nga mabawi ang iyang luna samtang andam pud makigpatay ang mga settler.
Photo courtesy: Barangay Mambuaya/ Facebook
